http://peghambar.muslimguide.se پێغەمبەر
  
 
www.muslimguide.se {{قُلْ يَا أَيُّهَا النَّاسُ إِنِّي رَسُولُ اللَّـهِ إِلَيْكُمْ جَمِيعًا الَّذِي لَهُ مُلْكُ السَّمَاوَاتِ وَالْأَرْضِ ۖ لَا إِلَـٰهَ إِلَّا هُوَ يُحْيِي وَيُمِيتُ ۖ فَآمِنُوا بِاللَّـهِ وَرَسُولِهِ النَّبِيِّ الْأُمِّيِّ الَّذِي يُؤْمِنُ بِاللَّـهِ وَكَلِمَاتِهِ وَاتَّبِعُوهُ لَعَلَّكُمْ تَهْتَدُونَ ﴿١٥٨﴾}} ألأعراف    {{مَّن يُطِعِ الرَّسُولَ فَقَدْ أَطَاعَ اللَّـهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا ﴿٨٠﴾}} ألنِّساء.  
 


 
 

http://peghambar.muslimguide.se پێغەمبەر

پێغه‌مبه‌ری ئازیزمان له‌ماوه‌ی نۆ ساڵ مانه‌وه‌ی له ‌(مدینة)‌دا، ‌حه‌جی نه‌كردبوو. پاشان له‌ ساڵی ده‌یه‌مدا بانگه‌وازی كرد له‌ناو خه‌ڵكدا كه‌ ئه‌مساڵ ده‌چێت بۆ حه‌ج‌(1)، به‌و بۆنه‌یه‌شه‌وه‌ خه‌ڵكێكی زۆر ڕوویان كرده‌ (مدینة)‌و هه‌ریه‌كه‌یان ده‌یویست پێغه‌مبه‌ر (صلی الله عليه وسلم) پێشەوایی‌یان بکات، لە ڕێگەش خەڵکێکی زۆر پێی گەیشتن بۆ بەجێ‌هێنانی ئەم حەجە گەورەیەو ئەم سەفەرە بەفەڕە، پێغەمبەری خودا (أبو دجانة)ی لەسەر (مدینة) داناو بەڕێ کەوت. ژمارەی موسڵمانەکان یەکجار زۆر بوو، لە ڕێگەش خەڵکانێکی زۆرو بێ شومار پێی گەیشتن، دەرچوونی پێغەمبەر بە ڕۆژ بوو و پاش نیوەڕۆ بوو.

ئیدی ئەو هەموو کەسە له‌خزمه‌تی (پێغەمبەر )دا ده‌رچوون هه‌تا گه‌یشتنه‌ (ذوالحليفة)، ئینجا پێغه‌مبه‌ر دوو ڕكات نوێژی له‌مزگه‌وته‌كه‌دا كردو پاشان سواری وشتره‌كه‌ی بوو كه‌ناوی (قصواء) بوو ڕۆیشت هه‌تا گه‌یشته‌ (بیداء) هه‌تا چاویش بڕكات له‌به‌رده‌میه‌وه‌و له‌لای ڕاستییه‌وه‌و له‌لای چه‌پیه‌وه‌و له‌پشتیه‌وه‌ خه‌ڵكی به‌سواری و به‌پیاده‌ ده‌ڕۆیشتن، پێغه‌مبه‌ری خودا له‌نێوانیاندا بوو که‌ قورئان داده‌به‌زیه‌ سه‌ری، ئه‌و چاك لێی تێده‌گه‌یی ئه‌و هه‌رچیه‌كی ده‌كرد ئه‌وانیش ده‌یان کرد، ئیحرامی به‌ست به‌ده‌م بانگه‌وازی یه‌كتاپه‌رستی‌یه‌وه‌و فه‌رمووی:
«لَبَّيْكَ اللَّهُمَّ لَبَّيْكَ، لَبَّيْكَ لا شَرِيكَ لَكَ لَبَّيْكَ، إِنَّ الْحَمْدَ وَالنَّعْمَةَ لَكَ وَالْمُلْكَ لا شَرِيكَ لَكَ»(2).

(جابر بن عبد الله ) که‌ یه‌کێک بوو له‌و هاوەڵانەی که‌ له‌ حه‌جه‌که‌ی پێغه‌مبه‌ری خودا به‌شداری کردبوو ده‌ڵێ(3): ئێمه‌ نیه‌تمان ته‌نها حه‌ج بوو، عه‌مره‌مان نه‌ده‌زانی، ڕۆیشتین هه‌تا له‌خزمه‌تیدا گه‌یشتینه‌ (بیت الحرام) ئه‌وسا ده‌ستی دا له‌به‌رده‌ ڕه‌شه‌كه‌و به‌هه‌روه‌له‌ (ڕاکردنێکی له‌سه‌ر خۆ)، سێ سوڕی یه‌که‌می ته‌وافه‌که‌ی کرد، به‌ڕۆیشتنی ئاساییش چوار جار و ته‌وافه‌که‌ی ته‌واو کرد، دواتر چووه‌ سه‌ر (مقامی إبراهیم) شوێنی ئیبراهیم و ئه‌م ئایه‌ته‌ی خوێنده‌وه:
{{وَإِذْ جَعَلْنَا الْبَيْتَ مَثَابَةً لِّلنَّاسِ وَأَمْنًا وَاتَّخِذُوا مِن مَّقَامِ إِبْرَاهِيمَ مُصَلًّى ۖ وَعَهِدْنَا إِلَىٰ إِبْرَاهِيمَ وَإِسْمَاعِيلَ أَن طَهِّرَا بَيْتِيَ لِلطَّائِفِينَ وَالْعَاكِفِينَ وَالرُّكَّعِ السُّجُودِ ﴿١٢٥﴾}} البقرة.
واته‌: (یادی ئه‌وه‌ش بكه‌نه‌وه‌) چۆن ئه‌م ماڵه‌مان (كعبة) كرده‌ جێگای كۆبوونه‌وه‌ی خه‌ڵكی، كه‌ به‌وپه‌ڕی هێمنی و ئاسایش و ئاسووده‌ییه‌وه‌ له‌وێ به‌یه‌ك بگه‌ن (ده‌ ئێوه‌ش، خه‌ڵكینه‌) مه‌قامی ئیبراهیم كه‌ جێ‌و مەقامەکەی ئیبراهیم بکەنە نوێژگەی خۆتان، (واتە: لەلای ئەو بەردەدا لەکاتی دروستکردنی كعبة ــ دا، ئیبراهیم دەیخستە ژێر پێ‌ی) بیكه‌نه‌ جێگای خواپه‌رستی‌و نوێژ، ئینجا فه‌رمانماندا به‌ ئیبراهیم و ئیسماعیل كه‌ ئه‌و ماڵه‌م خاوێن بكه‌نه‌وه‌ (له‌ چه‌په‌ڵی ماددی و مه‌عنه‌وی) بۆ ئه‌وانه‌ی به‌ده‌وریدا ده‌سوڕێنه‌وه‌و (طواف) ده‌كه‌ن و تیایدا ده‌مێننه‌وه‌و (اعتكاف) ده‌كه‌ن هه‌روه‌ها بۆ كڕنووشبه‌ران و سووژده‌به‌ران.

ئینجا (مه‌قامی ابراهیم)ی خسته‌ نێوان خۆی و (بیت)ەوە‌ دوو ڕكات نوێژی دابه‌ست، له‌ڕكاتی یه‌كه‌مدا سوره‌تی (الإخلاص) واته:‌ {{قُلْ هُوَ اللَّـهُ أَحَدٌ}}ی خوێندو، له‌ڕكاتی دووهه‌میشدا سوره‌تی (الکافرون) واته:‌ {{قُلْ يَا أَيُّهَا الْكَافِرُونَ}}، پاشان گه‌ڕایه‌وه‌ بۆ سوچه‌كه‌ی (بیت) ئه‌و سوچه‌ی که‌ به‌رده‌ ڕه‌شه‌که‌ی تێدایه‌ ده‌ستی لێداو له‌ده‌رگاوه‌ ده‌رچوو به‌ره‌و (صفا) كاتێک كه‌نزیك بوویه‌وه‌ له‌ (صفا) ئه‌و ئایه‌ته‌ی خوێنده‌وه:
{{إِنَّ الصَّفَا وَالْمَرْوَةَ مِن شَعَائِرِ اللَّـهِ ۖ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَن يَطَّوَّفَ بِهِمَا ۚ وَمَن تَطَوَّعَ خَيْرًا فَإِنَّ اللَّـهَ شَاكِرٌ عَلِيمٌ ﴿١٥٨﴾}} البقرة.
واته‌: به‌ڕاستی سه‌فا و مه‌روه‌ (كه‌ دوو جێگه‌ن له‌ پاڵ كه‌عبه‌دا) له‌ دروشمه‌كانی خوای په‌روه‌ردگارن، جا ئه‌وه‌ی حه‌جی ماڵی خوا ده‌كات، یاخود عه‌مره‌ ئه‌نجام ده‌دات، ئه‌وه‌ هیچ گوناهێكی له‌سه‌ر نییه‌ ئه‌گه‌ر هاتوچۆو بكات له‌ نێوانیاندا ئەگەرچی کاتی خۆیشی هاوبەشدانەرەکان سەعی ئەو جێگەیەیان کردبێ، ئەمڕۆ بەفەرمانی خودا بۆ ئێوە ڕەوایە)، ئه‌وه‌ش خۆبه‌خشی ده‌كات و (عه‌مره‌ و ته‌واف)ی زیاتر ده‌كات با بزانێت كه‌ خواش پاداشتی چاکەیان دەداتەوەو، بە کردەوەشیان زاناو ئاگایە.

دوای خوێندنی ئایه‌ته‌که‌، چووه‌ سه‌ر (صفا) هه‌تا له‌وێوه‌ (بیت)ی لێ دیار بوو، ئینجا ڕوی كرده‌ قیبله‌و سێ جار گوتی ( أللهُ أكبَر)، ئنجا فه‌رمووی: «لا إله إلا الله وحده لا شريك له، له الملكُ وله الحمدُ وَهو على كُل شيءٍ قَدير، لا إله إلا الله وحده، أنجز وَعده وَنَصرَ عَبدَه، وَهَزَمَ الأحزابَ وحده» سێ جار ئه‌مه‌ی دوباره‌ كرده‌وه‌و له‌نێوانیشیاندا ده‌پاڕایه‌وه‌، پاشان دابه‌زی به‌ره‌و (مروة) هه‌تا گه‌یشته‌ قوڵایی دۆڵه‌كه‌، ئه‌وسا كه‌وته‌ ڕاكردن تا سه‌ركه‌وتین ئینجا كه‌وته‌وه‌ ڕۆیشتن تاگه‌یشته‌وه‌ (مروة) له‌سه‌ر (مروة‌)ش ئه‌وه‌ی كرد كه‌له‌سه‌ر (صفا) كردی(4)، پێغه‌مبه‌ری خودا دوای ته‌واف له‌سه‌ر (مروة‌) فه‌رمووی: (ئه‌گه‌ر ئه‌وسا بیری ئێستام هه‌بووایه‌ مه‌ڕو ماڵاتی قوربانیم نه‌ده‌هێناو ئه‌مه‌م ده‌كرده‌ عه‌مره‌، جا ئه‌وه‌تان كه‌مه‌ڕو ماڵاتی قوربانی نه‌هێناوه‌، با ئیحرام بشكێنێ و بیكاته‌ (عمرة)، (سُرَاقَةُ بْنُ مَالِك ) هه‌ستاو گوتی: ئه‌ی پێغه‌مبه‌ری خوا هه‌ر بۆ ئه‌م ساڵه‌ یان بۆ هه‌میشه‌؟ پێغه‌مبه‌ر په‌نجه‌كانی تێهه‌ڵكێش كردو دوو جار فه‌رموی: (عه‌مره‌و حه‌ج بۆ هه‌تا هه‌تایه‌).

پاشان (علي بن أبي طالب ) قوربانییه‌كانی پێغه‌مبه‌ری له ( يَمَن)‌‌وه‌ هێنا، بینی (فاطمة ) ئیحرامی شكاندوه‌و پۆشاكی ڕه‌نگاو ڕه‌نگی له‌به‌ركردوه‌و چاوی ڕشتووه‌، ئه‌ویش ناڕه‌زایی ده‌ربڕی (فاطمة)، گوتی: باوكم فه‌رمانی ئه‌مه‌ی پێداوم، جا (علي بن أبي طالب ) له‌عێراق ده‌یگوت: چووم بۆ خزمه‌تی پێغه‌مبه‌ری خودا و ناڕه‌زاییم ده‌ربڕی ده‌رباره‌ی ئه‌وه‌ی (فاطمة) كردبووی، داوای ڕای پێغه‌مبه‌ری خودام كرد كه ‌ئه‌و گوتی ده‌رباره‌ی، گوتیشم من ناڕه‌زاییم ده‌ربڕیوه‌ له‌وه‌ی كه‌ئه‌و كردبووی ئیتر ئه‌وه‌بوو فه‌رمووی: (ڕاست ده‌كات، ڕاست ده‌كات، باشه‌ تۆ چیت گوت كاتێک كه‌نیه‌تی حه‌جت هێنا؟)، (علي بن أبي طالب ) گوتی: گوتم: ئه‌ی خوایه‌ ئیحرام ده‌به‌ستم به‌وه‌ی كه ‌پێغه‌مبه‌ره‌كه‌ت ئیحرامی بۆ به‌ستووه‌، پێغه‌مبه‌ر فه‌رمووی: (من قوربانیم هێناوه‌و تۆیش ئیحرام مه‌شكێنه‌)، كۆی ئه‌و قوربانیانه‌ی كه‌ (علي بن أبي طالب ) له ‌( يَمَن)‌‌وه‌ ‌هێنابوی ئه‌وه‌یش كه‌ پێغه‌مبه‌ر هێنابوی سه‌د سه‌ر بوون، ئینجا خه‌ڵكی هه‌موو ئیحرامیان شكاندو سه‌ریان كورت كرده‌وه‌، جگه‌ له‌ پێغه‌مبه‌ر و ئه‌وانه‌ی كه‌قوربانیان پێ بوو، كه‌ڕۆژی (تَرويَة) واتە: ڕۆژی ده‌ست پێکردنی حه‌ج هاته‌ پێشه‌وه‌ ئیحرامیان به‌ست‌و (لبیك) یان بۆ حه‌ج كردو ڕویان كرده‌ (مِنَى)، له‌وێ نوێژی نیوه‌ڕۆو عه‌سرو شێوان و خه‌وتنان و به‌یانیان كرد، كه‌مێك مانه‌وه‌ تا خۆر هه‌ڵهات، فه‌رمانی‌دا كه‌ده‌وارێكی مووی بۆ هه‌ڵبدرێ له‌ (نَمِرَة‌) ئینجا كه‌وته‌ڕێ.

(قریش) گومانی وابوو كه پێغه‌مبه‌ری خودا ‌له‌ (الْمَشْعَرِ الْحَرَام واتە: الْمُزْدَلِفَة) ده‌وه‌ستێ، هه‌روه‌ك (قر‌یش) خۆی له‌سه‌رده‌می نه‌فامیدا ده‌یكرد، به‌ڵام پێغه‌مبه‌ر ئه‌وێ‌ی به‌جێ هێشت‌و ڕۆیشت هه‌تا گه‌یشته‌ (عرفة‌) بینی ده‌واره‌كه‌ی بۆ هه‌ڵدراوه‌ له‌(نَمِرَة) کە شوێنێکه‌ پێش (عرفة)و لێ‌یه‌وه‌ نزیکه‌ که‌ ئێستا مزگه‌وتێکی گه‌وره‌ی تێدایه‌، ئیدی له‌وێ دابه‌زی هه‌تا هەتاو له‌نیوه‌ی ئاسمان لایدا، ئینجا حوشتره‌که‌ی(قصواء)ی بۆ ئاماده‌كرا هه‌تا چووه‌ ناوجه‌رگه‌ی دۆڵه‌كه‌وه‌، له‌وێ وتارێكی بۆ خه‌ڵكیدا، ئەمەش دەقی وتارەکەیە:

خُطْبَةُ الرَّسُولِ فِي حَجَّةِ الْوَدَاعِ(5)
« أَيُّهَا النَّاسُ!
اسْمَعُوا قَوْلِي، فَإِنِّي لَا أَدْرِي لَعَلِّي لَا أَلْقَاكُمْ بَعْدَ عَامِي هَذَا بِهَذَا الْمَوْقِفِ أَبَدًا، أَيُّهَا النَّاسُ إنَّ دِمَاءَكُمْ وَأَمْوَالَكُمْ عَلَيْكُمْ حَرَامٌ إلَى أَنْ تَلْقَوْا رَبَّكُمْ، كَحُرْمَةِ يَوْمِكُمْ هَذَا، وَكَحُرْمَةِ شَهْرِكُمْ هَذَا، وَإِنَّكُمْ سَتَلْقَوْنَ رَبَّكُمْ، فَيَسْأَلُكُمْ عَنْ أَعْمَالِكُمْ، وَقَدْ بَلَّغْتُ، فَمَنْ كَانَتْ عِنْدَهُ أَمَانَةٌ فَلِيُؤَدِّهَا إلَى مَنْ ائْتَمَنَهُ عَلَيْهَا، وَإِنَّ كُلَّ رِبًا مَوْضُوعٌ، وَلَكِنْ لَكُمْ رُءُوسُ أَمْوَالِكُمْ، لَا تَظْلِمُونَ وَلَا تُظْلَمُونَ، قَضَى اللَّهُ أَنَّهُ لَا رِبَا، وَإِنَّ رِبَا عَبَّاسِ بْنِ عَبْدِ الْمُطَّلِبِ مَوْضُوعٌ كُلُّهُ، وَأَنَّ كُلَّ دَمٍ كَانَ فِي الْجَاهِلِيَّةِ مَوْضُوعٌ، وَإِنَّ أَوَّلَ دِمَائِكُمْ أَضَعُ دَمُ ابْنِ رَبِيعَةَ بْنِ الْحَارِثِ بْنِ عَبْدِ الْمُطَّلِبِ، وَكَانَ مُسْتَرْضَعًا فِي بَنِي لَيْثٍ، فَقَتَلَتْهُ هُذَيْلٌ فَهُوَ أَوَّلُ مَا أَبْدَأُ بِهِ مِنْ دِمَاءِ الْجَاهِلِيَّةِ.
أَمَّا بَعْدُ أَيُّهَا النَّاسُ!
فَإِنَّ الشَّيْطَانَ قَدْ يَئِسَ مِنْ أَنْ يُعْبَدَ بِأَرْضِكُمْ هَذِهِ أَبَدًا، وَلَكِنَّهُ إنْ يُطَعْ فِيمَا سِوَى ذَلِكَ فَقَدْ رَضِيَ بِهِ مِمَّا تَحْقِرُونَ مِنْ أَعْمَالِكُمْ، فَاحْذَرُوهُ عَلَى دِينِكُمْ، أَيُّهَا النَّاسُ: إنَّ النَّسِيءَ زِيَادَةٌ فِي الْكُفْرِ، يُضَلُّ بَهْ الَّذِينَ كَفَرُوا، يُحِلُّونَهُ عَامًا وَيُحَرِّمُونَهُ عَامًا، لِيُوَاطِئُوا عِدَّةَ مَا حَرَّمَ اللَّهُ، فَيَحِلُّوا مَا حَرَّمَ اللَّهُ، وَيُحَرِّمُوا مَا أَحَلَّ اللَّهُ، وَإِنَّ الزَّمَانَ قَدْ اسْتَدَارَ كَهَيْئَتِهِ يَوْمَ خَلَقَ اللَّهُ السَّمَوَاتِ وَالْأَرْضَ، وَإِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا، مِنْهَا أَرْبَعَةٌ حُرُمٌ ثَلَاثَةٌ مُتَوَالِيَةٌ، وَرَجَبُ مُضَرَ، الَّذِي بَيْنَ جُمَادَى وَشَعْبَانَ.
أَمَّا بَعْدُ أَيُّهَا النَّاسُ!
فَإِنَّ لَكُمْ عَلَى نِسَائِكُمْ حَقًّا، وَلَهُنَّ عَلَيْكُمْ حَقًّا، لَكُمْ عَلَيْهِنَّ أَنْ لَا يُوطِئْنَ فُرُشَكُمْ أَحَدًا تَكْرَهُونَهُ، وَعَلَيْهِنَّ أَنْ لَا يَأْتِينَ بِفَاحِشَةِ مُبَيَّنَةٍ، فَإِنْ فَعَلْنَ فَإِنَّ اللَّهَ قَدْ أَذِنَ لَكُمْ أَنْ تَهْجُرُوهُنَّ فِي الْمَضَاجِعِ وَتَضْرِبُوهُنَّ ضَرْبًا غَيْرَ مُبَرَّحٍ، فَإِنْ انْتَهَيْنَ فَلَهُنَّ رِزْقُهُنَّ وَكُسْوَتُهُنَّ بِالْمَعْرُوفِ وَاسْتَوْصُوا بِالنِّسَاءِ خَيْرًا، فَإِنَّهُنَّ عِنْدَكُمْ عَوَانٌ لَا يَمْلِكْنَ لِأَنْفُسِهِنَّ شَيْئًا، وَإِنَّكُمْ إنَّمَا أَخَذْتُمُوهُنَّ بِأَمَانَةِ اللَّهِ، وَاسْتَحْلَلْتُمْ فُرُوجَهُنَّ بِكَلِمَاتِ اللَّهِ، فَاعْقِلُوا أَيُّهَا النَّاسُ قَوْلِي، فَإِنِّي قَدْ بَلَّغْتُ، وَقَدْ تَرَكْتُ فِيكُمْ مَا إنْ اعْتَصَمْتُمْ بِهِ فَلَنْ تَضِلُّوا أَبَدًا، أَمْرًا بَيِّنًا، كِتَابَ اللَّهِ وَسُنَّةَ نَبِيِّهِ .
أَيُّهَا النَّاسُ!
اسْمَعُوا قَوْلِي وَاعْقِلُوهُ، تَعَلَّمُنَّ أَنَّ كُلَّ مُسْلِمٍ أَخٌ لِلْمُسْلِمِ، وَأَنَّ الْمُسْلِمِينَ إخْوَةٌ، فَلَا يَحِلُّ لِامْرِئِ مِنْ أَخِيهِ إلَّا مَا أَعْطَاهُ عَنْ طِيبِ نَفْسٍ مِنْهُ، فَلَا تَظْلِمُنَّ أَنَفْسَكُمْ، اللَّهُمَّ هَلْ بَلَّغْتُ؟ قَالَ ابْنُ إسْحَاقَ (فَذُكِرَ لِي أَنَّ النَّاسَ قَالُوا: اللَّهُمَّ نَعَمْ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: اللَّهُمَّ اشْهَدْ!)»
.


بۆ خوێندنەوەی درێژەی بابەتەکە، تکایە بڕۆ بۆ لاپەڕەی "٢" . . .





  1. ئەم حەجەی پێغەمبەر کە وەک چۆن پێشتر باسمان کرد، پێ‌ی دەگوترێ حەجی ماڵئاوایی (حَجَّةُ الْوَدَاع): (ابن كثير) سەبارەت بەم حەجەی پێغەمبەری خودا دەڵێ: بۆیە ناونراوە حەجی ماڵئاوایی چونکە تێیدا پێغەمبەری خودا ماڵئاوایی کرد لە خەڵکی‌و ئیدی حەجی دیکەی نەکرد، هەروەها ناونراوە بە (حەجی ئیسلام) چونکە تاکە حەجە پێغەمبەر لە (مدینة)وە کردبێتی وێڕای ئەوەی چەندین جار لەپێش کۆچ‌و بوون بەپێغەمبەری حەجی کردوە، هەروەها ناونراوە بە (حەجی ئاگادار کردنەوە) چونکە پێغەمبەری خودا شەرعی ڕاگەیاند بە خەڵکی لەو (حەجە)دا بە گوتەو کردار بەمەش بناغەکانی ئیسلامی هەموو خستە ڕوو. . . (ألبداية والنهاية: ٨٩/٥).
  2. حياة محمد(صلّى الله عليه وسلَّم): ٤٨٧، ألسيرة النبوية في ضوء القرآن والسنة: ٥٦٨/٢، ألسيرة النبوية (للصلابي): ٧٧١/٢، البخاري (كتاب الحج) باب (٢٦) ألتلبية، حديث: ١٥٤٩.
  3. وقد روى الحديث بِطوله الإمام مسلم في "صحيحه".
  4. له‌ نێوان (صفاو مروة‌) هه‌ر دوعایه‌ک بخوێنیت ئاساییه‌ ئێستا (صفاو مروة‌) هه‌ر ده‌که‌وێته‌ ناو حه‌ره‌مه‌وه‌ (ناو مزگه‌وته‌که‌) ئه‌و گردو دۆڵ‌و نشێوێیه‌ی تێدا ده‌رناکه‌وێ هه‌ندێک جار حاجیه‌کان گه‌ر وریا نه‌بن لێیان تێک ده‌چێ که‌ کامه‌ (صفا)یەو کامه‌ (مروة) یه‌، بۆیه‌ ده‌بێت وریا بن له‌سه‌ر خۆ بن‌و هیچ په‌له‌ی تێدا نه‌که‌ن گه‌ر لێشیان تێک چوو پرسیار بکه‌ن.
  5. (السيرة النبوية لابن هشام)، ج٤، ص٣٥٣ ـــ ٣٥٤، وصحيح مسلم، برقم: ١٢١٨، هەروەها (الطبري) دەقی ئەم وتارەی هێناوە، (تأريخ الأمم والملوك)، ج٢، ص٤٧٥.

    بۆ سەرەوە
 
 

www.muslimguide.se

ژیاننامەی پێغەمبەران peghambar.muslimguide.se

 

M U S L I M G U I D E . S E ©

پەیوەندی:   tajweed.kurdi@gmail.com