http://peghambar.muslimguide.se پێغەمبەر
  
 
www.muslimguide.se {{قُلْ يَا أَيُّهَا النَّاسُ إِنِّي رَسُولُ اللَّـهِ إِلَيْكُمْ جَمِيعًا الَّذِي لَهُ مُلْكُ السَّمَاوَاتِ وَالْأَرْضِ ۖ لَا إِلَـٰهَ إِلَّا هُوَ يُحْيِي وَيُمِيتُ ۖ فَآمِنُوا بِاللَّـهِ وَرَسُولِهِ النَّبِيِّ الْأُمِّيِّ الَّذِي يُؤْمِنُ بِاللَّـهِ وَكَلِمَاتِهِ وَاتَّبِعُوهُ لَعَلَّكُمْ تَهْتَدُونَ ﴿١٥٨﴾}} ألأعراف    {{مَّن يُطِعِ الرَّسُولَ فَقَدْ أَطَاعَ اللَّـهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا ﴿٨٠﴾}} ألنِّساء.  
 


 
 

www.muslimguide.se

کافرانی قوڕەیش (وەک چۆن پێشتر باسمان کرد) کەوتنە ئاژاوە نانەوە لە شاری (مدينة)، وە هەڕەشە کردن لە موسڵمانان، ئەوە بوو هەواڵیان نارد بۆ موسڵمانەکانی (مدينة)و پێ‌یان گوتن: وانەزانن چوونەتە (يثرب) لە دەستی ئێمە ڕزگارتان بوە، دێینە سەرتان ڕیشەکێشتان دەکەین لەناو ماڵەکانتان‌دا وشک‌و تەڕتان قات‌وقڕ دەکەین (1).

لەم باروودۆخە پڕ مەترسی‌یەدا کە هەڕەشەی لە قەوارەی موسڵمانەکان دەکرد لە ناو (مدينة)دا، ئەوەشی دەگەیاند کە (قوڕەیش)یەکان نایێنەوە بەهۆشی خۆیانداو واز لەو سەرسەختی‌یەی خۆیان ناهێنن، ئیدی لەو ساتەوەختە ناسکانەدا خودای گەورە جەنگ‌و جیهادی لەسەر هەموان فەرز کرد، هەروەک فەرمووی پێ‌یان:
{{وَقَاتِلُوا فِي سَبِيلِ اللَّـهِ الَّذِينَ يُقَاتِلُونَكُمْ وَلَا تَعْتَدُوا ۚ إِنَّ اللَّـهَ لَا يُحِبُّ الْمُعْتَدِينَ ﴿١٩٠﴾}} ألبَقَرة.
واتە: وە لە ڕێی خوادا بجەنگن لەگەڵ ئەوانەدا کە لە دژتان دەجەنگن، بەڵام دەستدرێژیی مەکەن، بێگومان خوا دەستدرێژکارانی خۆش ناوێ، هەروەها دەفەرموێ:
{{وَمَا لَكُمْ لَا تُقَاتِلُونَ فِي سَبِيلِ اللَّـهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَـٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا ﴿٧٥﴾}} ألنِّساء.
واتە: ئیدی چ بەربەستێکتان لە بەردەمدا ماوە کە ڕێتان لێ‌بگرێت بۆ جەنگ کردن لە پێناوی ڕەزامەندی خوداو ڕزگارکردنی ئەو پیاوو ئافرەت‌و منداڵە بێ‌دەسەڵات‌و لاوازکراوو چەوساوەکان (کە کافران ڕێ‌ی هیجرەتیان پێ‌نەدان‌و بەردەوام ئازارو ئەشکەنجەیان دەدەن‌و ئەوانیش لە خودا دەپاڕێنەوەو)و دەڵێن: خودایە، دەربازمان کە لەم شارەی (مەککەیە) کە خەڵکەکەی ستەمکارن‌و لەلایەن خۆتەوە پشتیوان‌و یارمەتیدەرێکمان بۆ ساز بکە.
هەروەها خوای گەورە دەفەرموی:
{{وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّـهِ ۖ فَإِنِ انتَهَوْا فَلَا عُدْوَانَ إِلَّا عَلَى الظَّالِمِينَ ﴿١٩٣﴾}} ألبَقَرة.
واتە: لەگەڵیاندا بجەنگن تاکو ئاژاوەو (فتنة)(2) لەناو دەچێ‌و (هێزو تواناشیان نامینێ عەزیەت‌و ئازاریشتان بدەن‌و، بۆخۆیان سەرشۆڕو ڕیسوا دەبن)، هەروەها تا دین‌وئاین‌و بەرنامەی ژیان، هەر بەرنامەو دینی خوا دەبێ، جا ئەگەر دەستیان هەڵگرت، نابێ دەستدرێژی بکریتە سەر هیچ کەس جگە لە ستەمکاران.


  1. رحمةً للعالمين، ١١٦/١
  2. مامۆستا (علي باپیر) لە کتێبی (پوختەی ژیاننامەی پێغەمبەری خوا ، لاپەڕە، ٤٢٢ دەربارەی زاراوەی(فتنة) دەڵێ: (فتنة)، واتە ئازاردان‌و ئەشکەنجەدانی موسڵمانان، هەندێک لە توێژەرەوانی قورئان گوتوویانە: (فتنة) لێرەدا بە مانای (شرک) دێ، بەڵام لە ڕاستیدا ئەوە هەڵەیە، چونکە خوا ـــ جلّ شأنه ــــ جیهادی لەسەر موسڵمانان فەرز نەکردوە تاکو کوفر نەمینێ، چونکە خوا ڕێگەی نەگرتوە لە خەڵک کە (کافر) یاخود (مشرک) بن، وەک خوای بەرزو بێ‌وێنە لە سورەتی (ألتغابن)دا دەفەرموێ: {{هُوَ الَّذِي خَلَقَكُمْ فَمِنكُمْ كَافِرٌ وَمِنكُم مُّؤْمِنٌ ۚ . . . . . . ﴿٢﴾}} ألتَّغابُن. واتە: خوا ئێوەی خوڵقاندوە، جا هەتانە کافرەو هەستانە موسڵمانە، کەواتە: لە ئیسلامدا ڕێگەی کافربوون لە خەڵک نەگیراوە، بەڵام ڕێگەی زوڵم کردنیان لێگیراوە.

    بۆ سەرەوە
 
 

www.muslimguide.se
      خەلیفەکانی ڕاشیدین

عومەری کوڕی عبدالعزیز

ژیاننامەی پێغەمبەران peghambar.muslimguide.se

 

M U S L I M G U I D E . S E ©

پەیوەندی:   tajweed.kurdi@gmail.com